Heç bir uşaq dərsdən kənarda qalmasın
Oxumaq istəyən uşaq var, amma müəllimi, kitabı, kompüteri yoxdur. Biz belə uşaqları onlara pulsuz dərs keçmək istəyən könüllülərlə tanış edirik. Kənarda durmaq istəməyənlər isə kitab, cihaz və vaxtı ilə ailələrə kömək edir.
Niyə başladıq
Hər birimiz elə uşaqlar tanıyırıq ki, oxumaq istəyir, amma müəllim tapa bilmir, evdə kitabı, kompüteri yoxdur və ya hansısa səbəbdən dərsdən geri qalıb. Bunu görüb susmaq istəmədik.
Heç bir partiyaya, təşkilata və ya hərəkata bağlı deyilik, bu işdən pul qazanan da yoxdur. Etdiyimiz sadədir: dərs keçmək istəyən müəllimi öyrənmək istəyən uşaqla tanış edirik. Kənarda durmaq istəməyən insanlar isə kitab, kompüter və ya vaxtı ilə ailələrə kömək edir.
| Siniflər | 1–11-ci siniflər və imtahana hazırlıq |
|---|---|
| Format | Onlayn və əyani dərslər |
| Dillər | Azərbaycan, türk, ingilis, rus |
| Ödəniş | dərs də, yardım da pulsuzdur |
Necə qoşulmaq olar
Öyrənmək istəyirəm
Məktəb fənləri, imtahana hazırlıq və dil dərsləri. 18 yaşdan kiçik uşaq üçün müraciəti valideyn göndərir.
Müraciət etÖyrətmək istəyirəm
Həftədə bir-iki saat ayıra bilsəniz, bu kifayətdir. Fənni, sinfi və vaxtı özünüz seçirsiniz.
Könüllü müəllim olKömək etmək istəyirəm
Ehtiyacı olan ailəyə kitab, ləvazimat, cihaz və ya vaxtınızla birbaşa kömək edin.
Yardım elanlarına bax
Hansı dərslərdə kömək edirik
Müəllimi şagirdin sinfinə, fənninə və dərs dilinə görə tapırıq. Hamımız könüllüyük, ona görə hər fənn üçün hər zaman müəllim olmaya bilər. Belə olanda müraciətiniz açıq qalır və yeni müəllim qoşulan kimi ona görünür.
Format və dillər: onlayn və ya əyani; Azərbaycan, türk, ingilis və rus dillərində
Sinif səviyyələri
- İbtidai təhsil
- 1–4-cü siniflər: oxu, yazı, riyaziyyatın əsasları
- Ümumi orta təhsil
- 5–9-cu siniflər: fənn biliklərinin möhkəmləndirilməsi
- Tam orta təhsil
- 10–11-ci siniflər: dərin fənn hazırlığı
- İmtahana hazırlıq
- Mövzu təkrarı, məşq və dərs planı
Dəstək istiqamətləri
Hazırda kimlərin dərs keçdiyini Müəllimlər səhifəsində görə bilərsiniz.
Könüllü müəllim olmaq
Müəllim, tələbə və ya öz sahəsində işləyən biri ola bilərsiniz. Vacib olan, fənninizi yaxşı bilmək və uşaqlarla səbirli olmaqdır.
Necə işləyir:
- Fənni, sinifləri və dərs dilini özünüz seçirsiniz.
- Boş vaxtlarınızı həftəlik cədvəldə qeyd edirsiniz.
- Sizə uyğun müraciətlər siyahının yuxarısında görünür.
- Uşağın adı və ailənin əlaqə məlumatları yalnız müraciəti qəbul edəndən sonra açılır.
Profiliniz koordinator yoxladıqdan sonra saytda görünür. İstəsəniz diplomunuzu da yükləyə bilərsiniz.
Könüllü müəllim kimi qoşul
Dərs necə başlayır
Necə işləyirHesab yaradın
Valideyn və ya müəllim kimi qeydiyyatdan keçin, e-poçtunuzu təsdiqləyin.
Müraciət və ya profil
Valideyn fənni, sinfi və uyğun vaxtları yazır. Müəllim profilini doldurur.
Müəllim tapılır
Sizə uyğun müəllimləri göstəririk, birini seçə bilərsiniz. Müəllim qəbul edəndən sonra əlaqə məlumatları açılır.
Dərslər
Müəllim vaxt təklif edir, siz təsdiqləyirsiniz. Ev tapşırıqları və müəllimin qeydləri şəxsi kabinetinizdə qalır.
Ailələrə birbaşa yardım
Ailələr təhsil üçün nəyə ehtiyac olduğunu yazır, kömək etmək istəyənlər onlarla birbaşa əlaqə saxlayır.
- Kitab və dərs vəsaitləri
- Məktəb ləvazimatı
- Təhsil üçün cihazlar
- Könüllü vaxt və məsləhət
Elanlar moderator yoxladıqdan sonra dərc olunur. Telefon və e-poçt yalnız elan sahibi razılaşanda paylaşılır.
Təhsil resursları
Burada yalnız paylaşmağa icazəmiz olan materiallar dərc olunur.
Faydalı bir material paylaşmaq istəyirsinizsə, bizə yazın.
Xəbərlər
Bütün xəbərlərHələ xəbər yoxdur.
Tez-tez verilən suallar
Dərslər həqiqətən pulsuzdur?
Bəli. Müəllimlər könüllüdür, dərs üçün heç kim pul ödəmir.
Kim müraciət edə bilər?
1–11-ci sinif şagirdləri üçün müraciəti valideyn və ya qanuni nümayəndə göndərir. 18 yaşdan yuxarı öyrənənlər özləri müraciət edə bilər.
Müəllimlər yoxlanılırmı?
Hər müəllim profilini koordinator yoxlayır; təsdiqlənməmiş profil saytda görünmür. Müəllim diplomunu yükləyə bilər, sənədi yoxlanılanların profilində bu qeyd olunur. İlk dərslərdə uşağın yanında olmağınızı tövsiyə edirik.
Dərslər onlayn, yoxsa əyani keçirilir?
Hər ikisi mümkündür. Formatı müraciətdə seçirsiniz, vaxtı isə müəllimlə birlikdə təyin edirsiniz.
Şəxsi məlumatlarım kimə görünür?
Şagirdin adı heç yerdə ictimai göstərilmir. E-poçt və telefon yalnız hər iki tərəf razılaşandan sonra açılır.
Sualınız var?
Bizə yazın. Hamımız könüllüyük, ona görə cavab bir-iki gün çəkə bilər.