Topluluq qaydaları və təhlükəsizlik

Uşaqlarla iş

• 18 yaşdan kiçik şagirdlər üçün bütün əlaqə valideyn və ya qanuni nümayəndə vasitəsilə aparılır.
• Müəllimlər uşaqlarla valideynin xəbəri olmadan şəxsi yazışma aparmamalıdır.
• Uşaqdan ünvan, şəkil, telefon və ya digər şəxsi məlumat istənilməməlidir.
• Onlayn dərslərin valideynin görə biləcəyi şəraitdə keçirilməsini, ilk dərslərdə isə valideynin iştirakını tövsiyə edirik.
• Əyani dərslər yalnız valideynin razılığı ilə və ictimai və ya ailənin razılaşdığı yerdə keçirilməlidir.

Hörmətli ünsiyyət

• Təhqir, ayrı-seçkilik, təzyiq və ya hədə qəbul edilmir.
• Dərs və yardım xaricində məqsədlər üçün əlaqə məlumatlarından istifadə edilməməlidir.
• Reklam, satış və ya ödəniş tələbi qadağandır. ELMYOLU-nda hər şey pulsuzdur.

Elanlar və məlumatlar

• Elanlar doğru və yalnız təhsil ehtiyacları ilə bağlı olmalıdır.
• Elanlarda uşaqların adı, şəkli, dəqiq ünvanı, sağlamlıq məlumatları və ya bank rekvizitləri paylaşılmamalıdır.
• Saxta, təhlükəli və ya qaydalara zidd elanlar gizlədilə, hesablar isə bağlana bilər.

Narahatlıq barədə məlumat vermək

Hər hansı davranış sizi narahat edirsə, Şikayət və təklif forması ilə və ya elmyolu@gmx.de ünvanına yazın. Müraciətlər məxfi saxlanılır.

Uşağın həyatı və ya sağlamlığı üçün təcili təhlükə varsa, dərhal yerli təcili yardım xidmətinə (Azərbaycanda və Avropa İttifaqında 112) zəng edin.

Mesajlar, video və qrup sinifləri

• Yazışma yalnız valideynlə müəllim arasında, ELMYOLU daxilində aparılır. Mesajlarda telefon, e-poçt və messencer linki paylaşılmır.
• Dərsləri qeydə almaq, ekran şəkli çəkib yaymaq qadağandır.
• Qrup dərsində uşaqlar bir-birinin üzünü və adını görür; bu məlumatı dərsdən kənarda paylaşmaq olmaz.

Qaydalar pozulanda

Qaydaları pozan profil gizlədilə, dərslər dayandırıla, hesab bağlana bilər. Uşağın təhlükəsizliyinə real təhlükə olduqda məlumat müvafiq dövlət orqanlarına verilə bilər.